حرمین شریفین میں نئے ائمہ اور خطباء کا تقرر کیا گیا ہے۔ خادم حرمین شریفین شاہ سلمان بن عبد العزیز نے نئی تقرریوں کی منظوری دی ہے۔

تفصیلات کے مطابق شیخ ڈاکٹر یاسر بن راشد الدوسری کو مسجد الحرام  میں امام تعینات کیا گیا ہے۔ اسی طرح مسجد نبوی شریف کے لئے  شیخ ڈاکٹر خالد بن سلیمان المہنا اور شیخ ڈاکٹر احمد بن علی  الخدیفی کو امام تعنات کیا گیا ہے۔

مسجد الحرام میں شیخ ڈاکٹر بندر بلیلہ اور شیخ ڈاکٹر عبد اللہ الجہنی خطیب بھی ہوں گے۔

شاہی منظوری کے بعد مسجد الحرام میں شیخ ڈاکٹر بندر بن عبد العزیز بلیلہ اور شیخ ڈاکٹر عبد اللہ بن عواد الجہنی امامت کے ساتھ خطیب بھی ہوں گے۔

اسی طرح شیخ ڈاکٹر احمس بن طالب حمید مسجد نبوی  میں امامت کے ساتھ خطیب بھی مقرر کئے گئے ہیں۔

اس موقع پر حرمین شریفین انتظامیہ  کے سربراہ شیخ  ڈاکٹر عبدالرحمٰن السدیس نے حرمین شیریفین  میں نئے تعینات  ہونے والے ائمہ اور خطباء کے ساتھ  ملاقات کی اور سعودی  حکومت کا شکریہ بھی ادا کیا۔

واضح رہے کہ اس سے قبل رواں برس مئی کےمہینے میں حرمین شریفین کے انتظامی امور کےسربراہ ڈاکٹر عبدالرحمٰن عبدالعزیز السدیس نے ماہ صیام کے دوران تراویح اور تہجد کی نمازوں کے لیے آئمہ کرام کا تقرر کیا تھا۔