بحیرہ عرب میں اٹھنے والے سمندری طوفان ’بلبل‘ نے بھارت اور بنگلہ دیش کے ساحلی علاقوں میں تباہی مچا دی۔

حکام کے مطابق طاقتور سمندری طوفان کے باعث بھارت میں 3 اور بنگلہ دیش میں 2 افراد جاں بحق جبکہ ہزاروں گھر تباہ ہو گئے۔

حکام کا کہنا تھا کہ طوفان سے قبل بنگلہ دیش میں تین لاکھ جبکہ بھارت میں ایک لاکھ پچیس ہزار لوگوں کو محفوظ مقامات پر منتقل کیا گیا اور مغربی بنگال میں بھی مچھیروں کو ساحل پر جانے سے منع کردیا گیا۔

حکام کا یہ بھی کہنا تھا کہ ہفتے کی شب یہ سمندری طوفان جب سندر بن کے ساحل سے ٹکرایا تو شدید بارشوں کے علاوہ اس کے ساتھ 120 کلو میٹر فی گھنٹہ تک کی رفتار سے چلنے والی طوفانی ہوائیں بھی تھیں۔

حکام کا مزید کہنا تھا کہ متاثرہ علاقے کے سب سے بڑے اور مرکزی کلکتہ ایئرپورٹ پر احتیاطاﹰ تمام پروازیں معطل کر دی گئیں جبکہ گلکتہ ایئرپورٹ بند کردیا گیا ہے۔