بین الاقوامی خبر رساں کے مطابق تل ابیض میں کار بم دھماکے میں 10 افراد ہلاک جبکہ 20 افراد زخمی ہوگئے۔

تفصیلات کے مطابق ہلاک اور زخمی ہونے والوں کو قریبی اسپتال منتقل کردیا گیا ہے جہاں 4 زخمیوں کی حالت نازک بتائی جارہی ہے۔

غیرملکی خبررساں ادارے کے مطابق شام میں ترک سرحد کے نزدیکی شہر تل ابیاد میں کار کو دھماکا خیز مواد سے اڑا دیا گیا جبکہ شام کے بارڈر پر گزشتہ ماہ ترک فورسز نے کنٹرول حاصل کیا تھا۔

دھماکے کے نتیجے میں ایک ہی خاندان کے چار افراد بھی ہلاک ہوئے۔

ترک وزارت دفاع کا کہنا ہے کہ دھماکے میں 3 افراد ہلاک اور 20 زخمی ہوئے ہیں، وزارت دفاع کے ترجمان نے دھماکے کا الزام جنگجوؤں پر عائد کیا ہے۔