افغانستان میں گذشتہ ایک دہائی کے دوران تقریباً ایک لاکھ سے زائد شہری ہلاک اور زخمی ہوئے ہیں۔

اقوم متحدہ  کی جاری کردہ رپورٹ کے مطا بق افغانستان میں جنگ اور بدامنی کے باعث گذشتہ ایک دہائی میں ایک لاکھ سے زیادہ شہری ہلاک اور زخمی ہوئے ہیں۔

کابل میں اقوام متحدہ کے نمائندے تادامیچی یاما موتو نے کہا ہے کہ افغانستان میں جاری جنگ سے عام افغان شہری زیادہ متاثر ہوئے ہیں اور گذشتہ ایک دہائی میں ایک لاکھ سے زیادہ شہری ہلاک اور زخمی ہوئے ہیں۔

امریکہ، افغانستان سے 4000 فوجیوں کے انخلا کا اعلان کرے گا

انہوں نے کہا کہ جنگ کے خاتمے سے ہی ایک خوشحال مستقبل والے افغانستان کی حقیقی امید کی جاسکتی ہے۔

رپورٹ میں مزید بتایا گیا کہ اقوام متحدہ نے امن کی کوششوں میں حصہ لینے والوں سے لاکھوں عام افغانوں  اور خاص طور پر تنازعے کے شکار افراد پر غور کرنے کی اپیل کی ہے ۔

 رپورٹ میں درخواست کی گئی کہ افغانستان میں امن قائم کیا جائےتاکہ  جو شہری امن سے زندگی گزارنے کا موقع چاہتے ہیں ،وہ ایک ایسے ملک میں اپنی زندگی کی تعمیر نو کرسکیں جو مستحکم ، انصاف پسند اور معاشی طور پر خوشحال ہو اور جہاں ان کے انسانی حقوق کا تحفظ کیا جاتا  ہو۔

افغانستان میں پائیدارامن وسلامتی خطےکیلئےاہم ہے،وزیرخارجہ

اقوام متحدہ نے تمام اسٹیک ہولڈرز سے مطالبہ کیا ہے کہ وہ پائیدار سیاسی تصفیے ،مستقل جنگ بندی کے راستے  اور تشدد کی سطحوں کو کم کرنے کے طریقوں کی تلاش کریں ، خاص طور پر اس تشدد  کو جس سے عام شہریوں کو نقصان ہوتا ہے۔

اقوام متحدہ کی ایک اور رپورٹ کے مطابق 2018 ء افغانستان کے لیے ایک خونی سال تھا جس میں 927 بچوں سمیت 3804 افراد ہلاک ہوئے تھے۔

واضح رہے کہ افغانستان میں جاری جنگ کے خاتمے کے لیے امریکہ اور افغان طالبان کے درمیان رابطوں میں تعطل کے بعد مذاکرات دوبارہ شروع ہوئے ہیں۔