چلی کا فوجی طیارہ اُڑان بھرنے کے  کچھ دیر بعد لاپتہ ہو گیا جس میں 38 مسافر سوار تھے ۔

غیر ملکی خبررساں ادارے کے مطابق چلی کا فوجی طیارہ ہرکولیس سی 130 طیارے نے انٹارکٹیکا بیس کےلیےاڑان بھری تھی اور اس پر 38 لوگ سوار تھے ۔

چلین ایئر فورس کی جانب سے جاری کیے گئے بیان کے مطابق38 میں سے 17 کریو ممبرز تھے جبکہ 21 مسافر تھے۔

اُڑان بھرنے کے بعد جلد ہی سگنل ٹاور سے طیارے کارابطہ منقطع ہو گیا، طیارے کو تلاش کرنے کے لیے ٹیمیں روانہ کر دی گئیں ہیں لیکن تاحال اس کا کوئی سراغ نہیں ملا ہے۔

سرچ آپریشن میں ایک بحری جہاز بھی حصہ لے رہا ہے۔

واضح رہے کہ انٹارکٹیکا برف سے ڈھکا ہوا دنیا کا انتہائی جنوبی براعظم ہے جہاں قطب جنوبی واقع ہے۔ انٹارکٹیکا میں کوئی مستقل انسانی بستی نہیں  ہےاور صرف سائنسی تجربات کے لیے مختلف ممالک کے سائنس دان مقیم ہیں۔