بنگلا دیش کی عدالت نے سابق چیف جسٹس سریندر کمار سنہا کو گرفتار کرنے کے احکامات جاری کردیئے  ہیں جبکہ سابق چیف جسٹس ملک سے پہلے ہی مفرور ہیں۔

تفصیلات کے مطابق بنگلہ دیش کی عدالت نے سابق چیف جسٹس سریندر کمار سنہا سمیت دیگر افراد کو لاکھ ڈالر کے غبن کے الزامات پر گرفتار کرنے کا حکم دے دیا۔

عدالت نے پولیس کو ہدایت کی کہ 22 جنوری تک وارنٹ گرفتاری پر عمل کرکے رپورٹ جمع کرائی جائے۔

واضح رہے کہ 10 دسمبر کو اینٹی کرپشن کمیشن (اے سی سی) نے 11 افراد کے خلاف مقدمات درج کیے تھے۔

دیگر ملزمان میں فارمرز بینک کے سابق مینجنگ ڈائریکٹر اے کے ایم شمیم، سینئر ایگزیکٹو نائب صدر اور کریڈٹ ڈویژن کے سابق سربراہ غازی صلاح الدین، پہلے نائب صدر کریڈٹ ڈویژن سواپن کمار رائے، پہلے نائب صدر شفیع الدین عسکری، بینک کے آڈٹ کمیٹی کے سابق چیئرمین محب الحق چشتی اور نائب صدر لطف الحق شامل ہیں۔