یمن میں حوثی باغیوں سے فیصلہ کن جنگ کی تیاری  کر لی گئی ہے۔

تفصیلات کے مطابق یمن کی آئینی حکومت نے حوثی باغیوں کے خلاف بڑی کاروائی کی تیاری کرلی۔

یمنی وزارت دفاع میں جوائنٹ آپریشنز کے سربراہ میجر جنرل حمود بن عزیز نے کہا ہے کہ یمنی فوج کو حکم دیا ہے کہ دارالحکومت صنعا کو حوثی ملیشیا کے پانچ سالہ قبضےسے چھڑانے کے لیے پیش قدمی شروع کردیں۔

میجر جنرل حمود بن عزیز نے کہا ہے کہ اب وقت آگیا ہےکہ یمن اور صنعا کو حوثی باغیوں کے ہاتھوں سے آزاد کرایا جائے۔

واضح رہے کہ ایران نواز حوثی ملیشیا نے 21 ستمبر 2014 کو یمنی فوج سے شدید لڑائی کے بعد دارالحکومت صنعا پر قبضہ کرلیا تھا۔