ایک ایرانی قانون ساز نے امریکی صدر ڈونلڈ ٹرمپ کو ہلاک کرنے والے شخص کو 3 ملین ڈالر انعام کی پیش کش کی ہے۔

غیر ملکی  خبررساں ادارے کے مطابق   2018 میں جب ٹرمپ نے عالمی طاقتوں کے ساتھ تہران کے جوہری معاہدے سے واشنگٹن کو نکالا اور امریکی پابندیاں عائد کردی گئیں تو تناؤ مستقل طور پر بڑھا ہے۔

اس مہینے میں ٹائیٹ فار ٹاٹ فوجی حملوں کا آغاز ہوا۔ایرانی  میڈیا کے مطابق “صوبہ کرمان کے عوام کی طرف سے ، جو بھی ٹرمپ کو مار ڈالتا ہے اسے ہم 30 لاکھ ڈالر انعام میں ادا کریں گے۔

انہوں نے یہ نہیں واضح  کیا  کہ کیا انعام کے خیال کو ایران کے مولوی حکمرانوں کی طرف سے کوئی سرکاری حمایت حاصل ہے۔

دارالحکومت کے جنوب میں واقع صوبہ کرمان شہر ایران کے ممتاز ایرانی کمانڈر قاسم سلیمانی کا آبائی شہر ہے، جن  کو  بغداد میں 3 جنوری کو ٹرمپ کے حکم پر ایک ڈرون حملے میں ہلاک  کردیا  گیا تھا۔