ایئرلائنز کی دنیا پر نظر رکھنے والی معروف ترین ویب سائٹ نے آسٹریلیا کی ایئر لائن کو دنیا کی سب سےمحفوظ ایئرلائن قراردیا ہے۔

تفصیلات کے مطابق یہ ریٹنگ  ایئرلائن ریٹنگز ڈاٹ کام نامی ویب سائٹ نے جاری کی ہے جس کا تعلق لندن سے ہے، اس ویب سائٹ کی جانب سے دنیا بھر میں چلنے والی تقریباً 405 ایئرلائنز کی کارکردگی کے مسلسل مشاہدے اور تجزیے کے بعد ’قنتاس ایئرلائن‘ کو 2020 کے لیے سب سے محفوظ ایئرلائن قرار دیا ہے۔

 اسی ویب سائٹ کی جانب سے یو اے ای کی دو ایئر لائنز فلائی ایمرٹیس اور اتحاد ایئرویز کو بھی ٹاپ ٹوئنٹی ایئرلائنز میں شامل کیا گیا ہے۔

محفوظ ترین ایئر لائنز کی اس فہرست میں ایئر نیوزی لینڈ، ای وی اے، اتحاد ایئر ویز، قطر ایئر ویز، سنگاپور ایئرلائنز،ایمرٹیس، الاسکا ایئرلائنز، کاتھائے پیسیفک ایئرویز، ورجن آسٹریلیا، ہاوائیں ایئرلائن، ورجن اٹلانٹک ایئرلائنز، ٹیپ پرتگال، ایس اے ای، رائل جورڈینین، سوئس، فنایئر نمایاں ہیں۔

اسی طرح سستی کرایے والی ایئرلائنز میں ایئر عربیہ پہلے نمبر پر ہے جب کہ فلائی بے، فرنٹیئر، ایچ کے ایکسپریس، انڈگو، جیٹ بیلو، وولارس، ویولنگ نمایاں ہیں۔

کم کرایے والی محفوظ ایئرلائنز کا انتخاب عوامی دلچسپی اور ان کی ڈیمانڈز کو مد نظر رکھتے ہوئے کیا گیا ہے۔