نیشنل ڈیزاسسٹر کے دفترکی جانب سے جاری کردہ بیان میں کہا گیا کہ،افریقی  ملک مڈغاسکر جزیرے پرآنے والے سیلابوں میں اس ہفتے کم سے کم 12 افراد ہلاک ہوگئے جبکہ 18 لاپتہ ہوگئے ہیں۔

افریقہ کے کچھ حصوں کو حالیہ مہینوں میں تیز بارشوں کا سامنا کرنا پڑا ہے کیونکہ بحر ہند معمول سے زیادہ گرم ہوتا ہے، جزوی طور پرموسمیاتی طوفان کے نتیجے میں اور جزوی طور پر اس وجہ سے کہ ہر طرف سمندر گرم ہو رہے ہیں۔

امریکی اور حکومتی اعداد و شمارپر مبنی سیف دی چلڈرن  این جی او  کے اعداد و شمار کے مطابق، پچھلے سال پورے مشرقی اور جنوبی افریقہ میں سیلاب، لینڈ سلائیڈنگ اورطوفانون سے 1،200 سے زیادہ افراد ہلاک ہوگئے ہیں۔

اسپین میں گلوریا نامی سمندری طوفان نے تباہی مچا دی، نظام زندگی مفلوج

اقوام متحدہ نے بتایا کہ سیلاب سے جنوبی سوڈان میں تقریبا ڈیڑھ لاکھ افراد ، ایتھوپیا میں 200،000 اور صومالیہ میں کم از کم 370،000 افراد بھی بے گھر ہوئے۔

دوسری جانب گلوریا نامی طوفان نے مشرقی اسپین میں تباہی مچادی، 144 کلومیٹر (90 میل فی گھنٹہ) تک تیز ہواؤں اور 13.5 میٹر (44 فٹ) اونچی لہروں کی زد میں آکر   کم از کم 8 افراد ہلاک ہوگئے ہیں ۔

طوفان نے نظام زندگی کو درہم برہم کر کے رکھ  دیا ہے ۔ سپین کے محمکہ موسمیات نے تمام جنوبی ساحلوں اور ملک کے وسطی علاقوں میں سیلاب کے خطرے کے پیش نظر ہائی الرٹ  بھی جاری کر دیا  گیا ہے۔