کینیڈا، یوکرین، سویڈن، افغانستان اور برطانیہ کے نمائندگان نے کے وزیر خارجہ نے ایران پر زور دیا ہے کہ وہ یوکرینی طیارہ حادثے سے متعلق جوابات دیں۔

تفصیلات کے مطابق لندن میں منعقد ہونے والے اجلاس میں ان تمام ممالک کے نمائندگان نے شرکت کی ہے جن کے شہری طیارہ حادثے میں ہلاک ہوئے تھے۔

اجلاس میں کینیڈا کے علاوہ یوکرین، سویڈن، افغانستان اور برطانیہ کے نمائندگان نے شرکت کی۔

لندن میں طیارہ حادثے کی تحقیقات سے متعلق اجلاس میں شرکت کے بعد کینیڈا کے وزیر خارجہ کا کہنا تھا حادثہ میں ہلاک ہونے والوں کے اہل خانہ کو ایران کے طیارہ مار گرانے پر جواب چاہیے۔

کینیڈا کے فرانکوئس فلپ شیمپین اور برطانیہ کے ڈومینک رااب ، یوکرائن ، سویڈن اور افغانستان کے وزرائے خارجہ کے ساتھ ، ہر ایک نے لندن میں کینیڈا کے ہائی کمیشن میں متاثرین کی یاد منانے کے لئے شمع روشن کی ، اور اجلاس کے آغاز سے قبل عکاسی کے ایک لمحے کے لئے رک گیا۔

کینیڈا کے وزیر خارجہ نے ایران پر زور دیا ہے کہ وہ یوکرینی طیارہ حادثے سے متعلق جوابات دیں۔

کینیڈا کے وزیر خارجہ فرانسوا فلپ نے جمعرات کو بیان دیا کہ ایران سے جواب ملنے تک دنیا چین سے نہیں بیٹھے گی۔

اجلاس کے اختتام پر پانچ نکات پر مبنی مشترکہ اعلامیہ جاری کیا گیا جس کے تحت ایران کے ساتھ تحقیقات کے ہوالے سے تعاون کیا جائے گا۔

اعلامیے کے مطابق بین الاقوامی سرکاری افسران کو مکمل اور بغیر کسی رکاوٹ کے ایران کے اندر رسائی دی جائے اور واقعے کی مکمل، آزادانہ اور شفاف تحقیقات کی جائیں۔

اعلامیے میں مزید کہا گیا ہے کہ ایران طیارہ مار گرانے کی مکمل ذمہ داری قبول کرے اور ہلاک ہونے والوں کے اہل خانہ کی جانب جو ایران کا فرض بنتا ہے، ادا کرے۔ ایران سے نقصان کا ازالہ کرنے کا مطالبہ بھی کیا گیا ہے۔

اجلاس میں شریک ممالک کے نمائندگان نے مطالبہ کیا ہے کہ ذمہ داران کے خلاف فوجداری نوعیت کی تفتیش کی جائے، اور بین الاقوامی معیار کے تحت عدالتی کارروائی کی جائے۔

واضح  رہے کہ یوکرین کا مسافر بردار طیارہ آٹھ جنوری کو ایران کے دارالحکومت تہران میں گر کر تباہ ہو گیا تھا، جس میں سوار تمام 176 مسافر ہلاک ہوگئے تھے۔ ہلاک ہونے والوں میں 57 کا تعلق کینیڈا سے تھا۔

ایران نے متعدد بار الزامات کو مسترد کرتے ہوئے 11 جنوری کو یوکرینی طیارہ مار گرانے کی ذمہ داری قبول کی تھی۔