امریکی صدر ڈونلڈ ٹرمپ نے بھارتی  سرزمین   پر پاکستان کے حق میں  بڑا بیان دے دیا۔

تفصیلات کے مطابق امریکی صدر ڈونلڈ ٹرمپ نے بھارت کے دورے میں خطاب کرتے ہوئے  کہا کہ پاکستان کے ساتھ ہمارے اچھے تعلقات ہیں۔

امریکی صدر نے کہا کہ ہماری انتظامیہ نے پاکستان سے دہشت گردی کے خاتمے کی بات کی  اور اس پر پاکستان کی جانب سے ہمیں مثبت رویہ ملا  ہے۔

ڈونلڈ ٹرمپ نے کہا کہ ہماری سرحدیں دہشت گردوں کے لئے بند ہیں۔آج داعش 100فیصد تباہ ہوچکی ہے،مونسٹر ابوبکر البغدادی مارا گیا ہے۔

ڈونلڈ ٹرمپ دورہ بھارت میں مذہبی آزادی پر بات کریں گے

انہوں نے مزید کہا کہ بھارتی وزیر اعظم  نریندر مودی احمدآباد کے ایک اسٹال پر چائے والا ہوا کرتا تھا ۔گذشتہ 10سالوں مین بھارت سے غربت کا خاتمہ ہوا  ہے۔

واضح رہے کہ امریکی صدر اپنی اہلیہ میلانیا ٹرمپ کے ساتھ دو روزہ دورے پر بھارت پہنچے ہیں۔امریکی صدر کا آج تاج محل کا دورہ بھی شیڈول ہے۔