سعودی عرب اور پاکستان مشترکہ فوجی مشقیں کریں گے، سعودی پاک مشترکہ فوجی مشقیں آئندہ  ماہ جمعرات 13 فروری کو ’الصمصام 7 ‘ کے نام سے شروع کی جا رہی ہیں۔  یہ مشقیں دونوں ملکوں کے مستحکم تعلقات کی علامت ہیں۔

سعودی پاکستانی مشترکہ فوجی مشقوں کا مقصد دونوں ممالک کے درمیان فوجی تجربات کا تبادلہ اور تعلقات کا استحکام ہے۔

غیر ملکی خبر رساں ادارے کے مطابق پاکستان اور سعودی عرب مشترکہ فوجی مشقیں مختلف سطحوں پر دونوں دوست ممالک کے مضبوط مشترکہ تعلقات کے تحت کررہے ہیں۔

سعودی پاکستانی مشترکہ فوجی مشقوں کا مقصد دونوں ممالک کے درمیان فوجی تجربات کا تبادلہ اور تعلقات کا استحکام ہے۔ ان مشقوں کی بدولت دونوں ممالک کی افواج اپنی حربی استعداد مزید بہتر بنائیں گی۔

فوجی مشقوں میں سعودی عرب کا ایک یونٹ شریک ہوگا۔ ان مشقوں کے دوران مختلف قسم کے ماحول میں جدید جنگ کے طور طریقے استعمال کیے جائیں گے۔

دریں اثناءمشترکہ خلیجی سکیورٹی مشقیں متحدہ عرب امارات میں شروع ہوگئیں۔ انہیں خلیج عرب سکیورٹی ٹو کا نام دیا گیا ہے۔

خلیجی ممالک کے سکیورٹی ادارے اس موقع پر ایک دوسرے کے تجربات سے فائدہ اٹھا رہے ہیں۔ مشترکہ چیلنجوں سے نمٹنے اور خطرات کےسدباب کے لیے ایک دوسرے کے تجربات سے استفادہ کر رہے ہیں۔

تمام ممالک ایک دوسرے سے ربط و ضبط بڑھا رہے ہیں تاکہ مشترکہ خطرات کا مقابلہ مشترکہ آپریشن کے ذریعے کیا جا سکے۔

یاد رہے کہ خلیج عرب سکیورٹی ٹو جی سی سی ممالک کے وزرائے داخلہ کے فیصلوں کے تحت ہو رہی ہیں۔ مشقوں کا سلسلہ 20 فروری تک جاری رہے گا۔