بھارت نے کوروناوائرس سے نمٹنے کے لئے پورےملک میں22مارچ کو کرفیو لگانے کا فیصلہ کیا ہے۔

بھارتی خبر رساں ادارے کے مطابق بھارتی وزیراعظم نریندرمودی نے مہلک کوروناوائرس کے بڑھتے مریض اور اموات سے نمٹنے کے لئے پورے ملک میں22مارچ کو کرفیو لگانے کا فیصلہ کیا جبکہ بین الاقوامی پروازیں معطل کرنے کا اعلان بھی کیا ہے۔

بھارتی وزیراعظم نریندرمودی نے مزید کہا کہ کرفیو صبح سات بجے سے رات نو بجے تک رہے گا۔

قبل ازیں بھارت نے ملک بھر کے سینما ہالز، شاپنگ مالز، میوزیم و تاریخی تفریحی مقامات کو بند کرنے سمیت عارضی طور پر ڈراموں اور فلموں کی شوٹنگ بھی موخر کردی تھی ۔

بھارتی خبر رساں ادارے کے مطابق ریاست کرناٹکا، مقبوضہ جموں و کشمیر، کیرالہ اور دہلی کے بعد ریاست مہارا شٹر نے بھی عارضی طور پر سینما ہالز، شاپنگ مالز اور دیگر تفریحی مقامات کو عارضی طور پر بند کرنے کی ہدایات جاری کردیں تھی۔

بھارت،کوروناوائرس کےعلاج کےلئےگائےکےپیشاب کااستعمال

رپورٹ میں بتایا گیا تھا کہ دارالحکومت نئی دہلی میں تقریبا 150 سینما ہالز ہیں جنہیں فوری طور پر بند کردیا گیا اور جبکہ ان سینما ہالز کو یومیہ 10 لاکھ روپے نقصان اٹھانا پڑے گا۔

بھارت بھر میں 31 مارچ تک سینما ہالز ، شاپنگ مالز و تفریحی مقامات کو بند رکھا جائے گا جب کہ اسی عرصے کے دوران ڈراموں اور فلموں کی شوٹنگ بھی بند رہے گی اور جن ڈراموں اور فلموں کی شوٹنگ جاری ہے، انہیں تین دن میں اسے بند کرنے کی ہدایات کردی تھی ۔

 واضح رہےکہ بھارت میں‌ کوروناوائرس کےچارمزید مریض سامنے آئےہیں جس سے مجموعی مریضوں کی تعداد 114 ہو گئی ہے، جبکہ بھارت میں کورونا سے 3 ہلاکتیں ہو چکی ہیں۔

اس کےعلاوہ کوروناوائرس سےبچاؤکےلئےبھارت میں تمام تعلیمی اداروں، میوزیم، سینما، پارکوں کو 31 مارچ تک بند کردیا گیا ہے۔