ایران نے کورونا وائرس سے نمٹنے کے لیے عالمی دنیا سے مدد کی درخواست کی ہے۔

سماجی رابطے کی ویب سائٹ ٹوئیٹر پر جاری بیان میں ایرانی وزیر خارجہ جواد ظریف نے کہا کہ  ایران کے طبی اہلکار جرات   مندی کے  ساتھ مختلف محاذوں پر  کورونا وائرس سے  جنگ لڑ رہے ہیں۔

جواد ظریف نے کہا کہ انہیں کورونا وائرس کے خلاف جنگ میں مشکلات کا سامنا  کرنا پڑ رہاہےکیونکہ دوائیوں  اور دیگر سازو سامان تک رسائی پر پابندی کی وجہ سے ان اشیاء کی وسیع قلت کا سامنا ہے۔

URGENT

Advertisement

Iranian care personnel are courageously battling #COVID19 on frontlines

Their efforts are stymied by vast shortages caused by restrictions on our people's access to medicine/equipment

Most urgent needs are outlined below

Viruses don't discriminate. Nor should humankind pic.twitter.com/GpXCbsh001

— Javad Zarif (@JZarif) March 12, 2020

ایرانی وزیر خارجہ نے کہا کہ انہیں وینٹی لیٹر ، مختلف اقسام کے ماسک اوردواؤں سمیت بیشتر ضروریات  کی چیزوں کی  فوری  ضرورت ہے ۔

اپنے پیغام کے آخر میں جواد ظریف نے کہا کہ وائرس  کسی کےساتھ امتیازی سلوک نہیں کرتے  وہ برابری کی سطح  پر حملہ آور ہوتے ہیں۔

چند گھنٹوں قبل  بھی ایرانی وزیر خارجہ  ایک  ٹوئیٹ میں کہا تھا کہ ایران نے بین الاقوامی مالیاتی فنڈ (آئی ایم ایف) سے ہنگامی مالی امداد طلب کی ہے۔تاکہ اس سے کورونا وائرس کے پھیلاؤ کو روکنے میں مدد ملے ۔

IMF's @KGeorgieva has stated that countries affected by #COVID19 will be supported via Rapid Financial Instrument. Our Central Bank requested access to this facility immediately.

IMF/IMF Board should adhere to Fund's mandate, stand on right side of history & act responsibly.

Advertisement

— Javad Zarif (@JZarif) March 12, 2020

واضح رہے کہ  اکتوبر 2019 میں امریکہ نے ایران پر عائد پابندیوں میں اضافہ  کیا تھا جس کے سبب ایران کئی  ضروری ادویات تک رسائی سے محروم ہوگیا تھا۔

ایران میں کورونا وائرس سے متاثرہ افراد کی تعداد دس ہزار سے تجاوز کرگئی ہے جبکہ ہلاکتوں کی تعداد 354 ہوگئی ہے۔

دوسری جانب دنیا بھر میں کورونا وائرس کے کیسز ایک لاکھ بیس ہزار کے قریب پہنچ گئے ہیں جبکہ 4 ہزار سے زائد افراد ہلاک ہوچکے ہیں۔