امریکہ کے شہر نیو یارک  کے چڑیا گھر میں ایک  ٹائیگر کا کورونا وائرس  کا ٹیسٹ مثبت  پایا گیا۔

امریکی  میڈیا کہ  مطابق نیویارک کے برونکس چڑیا گھر میں اتوار کو چیتے بیمار ہوئے۔ نادیہ نامی چار سالہ ملیان ٹائیگر  کو کھانسی  تھی  اور اس کے ساتھ اس کی بہن اذول ، دو عمور شیر اور تین افریقی شیر سبھی نے خشک کھانسی کرنا شروع کردی ۔

چڑیا گھر انتظامیہ کے مطابق 6 مزید شیروں میں بھی سانس میں دشواری کی علامات سامنے آئی ہیں تاہم تاحال ان کے ٹیسٹ نہیں کیے گئے۔

انتظامیہ نے خدشہ ظاہر کیا ہے کہ ٹائیگر کو کورونا وائرس اس کے رکھوالے سے منتقل ہوا ہے۔

خیال  رہے  کہ چڑیا گھر انتظامیہ کا کہنا ہے کہ 27مارچ کو پہلے ٹائیگر میں علامات ظاہر ہونا شروع ہوئیں اور جانور اس وقت بہتر حالت میں ہیں اور امید کی جا رہی ہے کہ جلد صحت یاب ہو جائیں گے۔

واضح رہے  کہ انتظامیہ  نے  چڑیا گھر کو کورونا وائرس پھیلنے کے خدشے کے پیش نظر 16 مارچ سے بند  کردیا تھا۔