متحدہ عرب امارات نے پاکستانی قیدیوں کو رہا کر کے واپس پاکستان بھیجنے کا اعلان کردیا۔

پاکستانی سفارتخانہ سے جاری کردہ بیان میں کہا گیا ہے کہ متحدہ عرب امارات نے400پاکستانی قیدیوں کو رہا کردیا جبکہ پاکستانی قیدیوں کو وطن واپس بھیجنے کا بھی اعلان کردیا۔

پاکستانی سفاتخانہ کے ترجمان کا کہنا ہے کہ تمام پاکستانی قیدیوں کو یو اے ای حکومت کے زیر انتظام دوخصوصی پروازوں سے فیصل آباد اور پشاور باچاخان ایئر پورٹ پہنچایا جائے گا۔

پاکستانی سفاتخانہ کے ترجمان کا یہ بھی کہنا ہے کہ 400پاکستانی قیدیوں کو خصوصی پروازوں کے ذریعے وطن واپس بھیجاجارہا ہے، پاکستانی قیدی جرائم کے معمولی الزامات کے تحت جیلوں میں قید تھے

پاکستانی سفاتخانہ کے ترجمان کا مزید کہنا ہے کہ یو اے ای حکومت کا احسن اقدام کوروناوائرس کے پھیلاؤ کے باعث کیا گیا ہے ۔

یاد رہے اس سے قبل ترکی نے کورونا وائرس کے سبب ہزاروں قیدیوں کو رہا کرنے کا فیصلہ کرلیا تھا۔

ترکی کا ہزاروں قیدیوں کو رہا کرنے کا فیصلہ

غیر ملکی خبر رساں ادارےکے مطابق   ترک پارلیمنٹ نے منگل کے روز نیا قانون کی منظوری دے دی ہےجس کے تحت ہے کورونا وائرس کے پھیلاؤ کے خلاف حفاظتی اقدام کے طور پر ہزاروں  قیدیوں کی رہائی کی اجازت دی گئی تھی۔

پارلیمنٹ کی جنرل اسمبلی کے سرکاری وئیٹر اکاؤنٹ پہ جاری پیغام میں کہا گیا تھا کہ مسودہ قبول ہونے کے بعد قانون بن گیا ہے۔

دوسری جانب  ہیومن رائٹس واچ (ایچ آر ڈبلیو) اور ایمنسٹی انٹرنیشنل نے اس قانون پر تنقید کی تھی کیونکہ  اس میں انسداد دہشت گردی کے متنازعہ قوانین کے تحت  حراست میں  لیے گئے  افراد شامل نہیں ہیں۔

انسانی حقوق کے دیگر گروپوں نے بھی پارلیمنٹ کے اس قانون پر تنقید کی کیونکہ  اس کے تحت  صحافیوں ، سیاستدانوں اور وکلاء  کو بھی رہا نہیں کیا جائے گا۔

واضح رہے کہ دنیا بھر میں کورونا وائرس سے  ہونے والی ہلاکتوں کی تعداد  ایک لاکھ 20 ہزار سے تجاوز کرگئی ہے جبکہ 19 لاکھ سے زائد افراد متاثر ہیں۔