بیرونی مملک میں زیادہ تر ٹیشو پیپر کا استعمال کیا جاتا ہے اور کورونا وائرس کی موجودہ صورتحال کی پیش نظر اس کا استعمال اور مارکیٹ میں اس کی قدر و وقیمت میں بھی اضافہ ہوگیا ہے۔

غیر ملکی خبررساں ادارے کے مطابق امریکہ میں بیٹے نے محض ٹیشو پیپر چھپانے پر اپنی ماں کو تشدد کا نشانہ بنا ڈالا۔

 والدہ نے پولیس کو بتایا کہ انہوں نے اپنے بیٹے سے ٹشو پیپر اس لئے چھپایا تھا کیونکہ  کورونا وائرس کی وجہ سے لاک ڈاؤن کے دوران اشیائے ضرورت کی کافی تنگی ہے۔

بیٹے نے پولیس کو بتایا کہ کس طرح ٹشو پیپر نہ ملنے پر اپنی والدہ کے منہ پر مکا مارا، خاتون کی شکایت پر پولیس نے ان ملزم کو گرفتار کرلیا۔

مقامی پولیس کی ترجمان شرلی ملر نے اے ایف پی کو بتایا کہ ملک کے بیشتر حصوں میں لاک ڈاؤن کی وجہ سے گھروں میں تشدد کے واقعات میں اضافہ ہو گیا ہے، گھروں میں رہنے کی وجہ سے اہلِ خانہ آپس میں ایک دوسرے کے ساتھ الجھ رہے ہیں، جس کے باعث ایسے واقعات پیش آرہے ہیں۔