ماہ رمضان کا آغاز ہوتے ہی دنیا بھر میں نعمتوں اور برکتوں کا بھی آغاز ہو گیا ہے، اسی ضمن میں سعودی فرمانرواں شاہ سلمان بن عبدالعزیز نے بھی ایک بڑا اور معتبر اعلان کردیا ہے۔

غیر ملکی خبر رسان کے مطابق سعودی فرمانرواں شاہ سلمان بن عبدالعزیز نے 18 ممالک سے تعلق رکھنے والے روزہ داروں کو افطار کرانے کے حوالے سے مختص بجٹ میں اضافے کی منظوری دے دی ہے۔

یاد رہے کہ سعودی فرما رواں کی جانب سے اس احسن اقدام کی اہم وجہ یہ وجہ بھی ہے کہ دنیا بھر میں جاری حالیہ حالات ہیں جس کے باعث ایک عام انسان بھی مشکل سے گرز بسر کر رہا ہے۔

عرب میڈیا کی رپورٹ کے مطابق ہر سال ماہ صیام میں سعودی عرب 18 ممالک سے تعلق رکھنے والے تقریباً 10 لاکھ روزہ داروں کا افطار کرواتا ہے جس سے متعلق مختص رقم میں اضافے کی منظوری دے دی گئی ہے۔

سعودی وزیر اسلامی امور اور دعوت و ارشاد شیخ ڈاکٹر عبد اللطیف بن عبد العزیز آل الشیخ نے اس اہم اقدام کو سراہا اور شاہ سلمان بن عبدالعزیز کی تعریف کی، کرونا کے باعث بجٹ میں اضافے کی منظوری دی گئی۔

ان کا مزید کہنا تھا کہ خادم حرمین کو مسلمان بھائیوں کی ضرورت کا خیال ہے۔ واضح رہے کہ اٹھارہ ممالک میں قائم سعودی سفارتخانے اور اسلامی مراکز افطار کے انتظامات کو یقینی بنانے میں اہم کردار ادا کرتے ہیں۔