ترکی نے کورونا وائرس کے سبب ہزاروں قیدیوں کو رہا کرنے کا فیصلہ کرلیا۔

غیر ملکی خبر رساں ادارےکے مطابق   ترک پارلیمنٹ نے منگل کے روز نیا قانون کی منظوری دے دی ہےجس کے تحت ہے کورونا وائرس کے پھیلاؤ کے خلاف حفاظتی اقدام کے طور پر ہزاروں  قیدیوں کی رہائی کی اجازت دی گئی ہے۔

پارلیمنٹ کی جنرل اسمبلی کے سرکاری وئیٹر اکاؤنٹ پہ جاری پیغام میں کہا گیا کہ مسودہ قبول ہونے کے بعد قانون بن گیا ہے۔

دوری جانب  ہیومن رائٹس واچ (ایچ آر ڈبلیو) اور ایمنسٹی انٹرنیشنل نے اس قانون پر تنقید کی ہے کیونکہ  اس میں انسداد دہشت گردی کے متنازعہ قوانین کے تحت  حراست میں  لیے گئے  افراد شامل نہیں ہیں۔

انسانی حقوق کے دیگر گروپوں نے بھی پارلیمنٹ کے اس قانون پر تنقید کی ہے کیونکہ  اس کے تحت  صحافیوں ، سیاستدانوں اور وکلاء  کو بھی رہا نہیں کیا جائے گا۔

واضح رہے کہ دنیا بھر میں کورونا وائرس سے  ہونے والی ہلاکتوں کی تعداد  ایک لاکھ 20 ہزار سے تجاوز کرگئی ہے جبکہ 19 لاکھ سے زائد افراد متاثر ہیں۔