جرمن حکومت نے بتا دیا کے عالمی وبا کورونا کی ویکسین میں کتنی رقم خرچ ہو گی۔

تفصیلات کے مطابق جرمن حکومت نے بتایا کہ کورونا کی ویکسین میں 750 ملین یورو کا خرچ آئے گا۔

ریسرچ منسٹر کے بقول جیسے ہی کوئی ویکسین دریافت ہو جاتی ہے اور اس کی منظوری بھی مل جاتی ہے، تو لازمی ہے کہ یہاں جرمنی اور پوری دنیا میں تیزی سے اور بڑے پیمانے پر دوا کی پیداوار شروع ہو سکے۔

کورونا کی ویکسین کے حوالے سے وفاقی وزیر برائے ریسرچ آنیا کارلیچیک نے جرمن چانسلر انجیلا میرکل سے ’کورونا کابینہ‘ میں ملاقات بھی کی۔

آنیا کارلیچیک نے ’کورونا کابینہ‘ کے اجلاس میں بتایا کہ جرمنی میں ویکسین کی تیاری میں لگ بھگ نصف ارب یورو کی لاگت آئے گی۔

دوسری جانب 250 ملین یورو پیداواری صلاحیت کو بڑھانے کے لیے مختص کیے گئے ہیں۔

واضح رہے کہ کارلیچیک نے جرمن میڈیا کوبتایا کہ ابتدائی مرحلے میں رضاکارانہ بنیادوں پر ہونے والے ٹیسٹوں میں طبی عملے یا دیگر ضروری کارکنوں کو بھی شامل کیا جاسکتا ہے۔