انڈونیشیا  کے مشرقی علاقے میں 6.9 شدت کے شدید زلزلے نے لوگوں میں خوف و ہراس پھیلا دیا۔

امریکی جیولوجیکل سروے (یو ایس جی ایس) نے ابتداء میں شدت 6.8 بتاتے ہوئے مزید بتایا  تھا کہ یہ زلزلہ قریبی شہر صومالکی سے شمال مغرب میں 205 کلومیٹر دور تھا جبکہ اس کی   گہرائی 117 کلومیٹر  تھی ۔

زلزلے کے جھٹکے محسوس ہوتے ہی لوگ  دعائیں کرتے اپنے گھروں سے باہر نکل آئے۔

ایک رہائشی نے بتایا کہ ’ہم   لوگ سو رہے تھے کہ زلزلے کی وجہ سے ہمارے بستر لرز گئے،اور ہم خوف کے مارے گھر وں سے باہر نکل آئے تاہم کوئی  جانی یا مالی نقصان نہیں ہوا ہے۔

انڈونیشیا سونامی سروس فراہم کرنے والے ادارے کا کہنا ہے کہ یہ زلزلہ بحر ہند کے خطے میں سونامی کا اثر پیدا کرنے کے قابل نہیں ہے۔