سعودی مفتی اعظم شیخ عبدالعزیز الشیخ کا کہنا ہے کہ عید کی نماز گھر پر ادا کی جاسکتی ہے۔

سعودی خبر رساں ادارے  کو انٹرویو دیتے ہوئے  سعودی مفتی اعظم اور سعودی سائنٹیفک اینڈ ریسرچ کونسل کے سربراہ شیخ عبدالعزیز الشیخ کا کہنا تھا کہ   غیر معمولی حالات میں اور موجودہ عالمی وبا ءکی صورتحال میں عید کی نماز گھر پر ادا کی جا سکتی ہے۔

سعودی مفتی اعظم نے کہا کہ  عید کی نماز اکیلے اور باجماعت بھی ادا کی جاسکتی ہے۔

شیخ عبدالعزیز الشیخ کا کہنا تھا کہ  کورونا وباء  کے ماحول میں والدین اپنا زیادہ تر وقت گھروں میں اپنے بچوں کے ساتھ ہی گزاریں۔

واضح رہے کہ کورونا وائرس کی عالمی وباء کی وجہ سے دنیا بھر میں عبادت گاہیں  بند ہیں اور پاکستان سمیت بعض ممالک میں حکومتی ایس او پیز کے تحت نماز و دیگر عبادات کی مشروط اجازت ہے ۔