کینیڈین وزیراعظم نے اعلان کر دیا ہے کہ کینیڈا امریکا سرحد ہر قسم کے غیر ضروری سفر کے لیے بند رہے گی۔

تفصیلات کے مطابق کینیڈین وزیراعظم جسٹن ٹروڈو نے کہا کہ سرحد مزید ایک ماہ تک بند رہے گی۔

 اس حوالے سے جسٹن ٹروڈو کا کہنا تھا کہ کینیڈا امریکا سرحد ہر قسم کے غیر ضروری سفر کے لیے 21 جون تک بند رہے گی۔

یاد رہے کہ سرحدیں بند کرنے کا فیصلا کورونا کی روک تھا م کے لیا کیا گیا ہے تاکہ کورونا وائرس کو مزید پھیلنے سے روکا جا سکے۔

غیر ملکی خبر رساں ادارے کے مطابق 8 ہزار 900 کلومیٹر سرحد کو کورونا پھیلنے سے روکنے کے لیے 21 مارچ کو بند کیا گیا تھا۔

جسٹن ٹروڈو نے کہا کہ سرحد کا بند کرنا دونوں ممالک کے عوام کو محفوظ رکھنے کے لیے ضروری ہے۔

دوسری جانب امریکا میں مریضوں کی تعداد 15 لاکھ سے زائد ہے جبکہ برطانیہ میں 2 لاکھ 47 ہزار ہے۔

واضح رہے کہ کورونا وائرس سے دنیا بھر میں 49 لاکھ سے زائد لوگ مثاتر ہوچکے ہیں۔