دنیا بھر کے ممالک میں لاک ڈاؤن میں نرمی کی جا رہی ہے جس کی وجہ سے کورونا کے کیسز میں اضافہ ہو رہا ہے۔

تفصیلات  کے مطابق لاک ڈاؤن میں نرمی کی وجہ سے چین میں کورونا وائرس پھیلنے کے خدشات بڑھ گئے ہیں۔

ووہان میں ایک ماہ بعد 6 کیسز سامنے آچکے ہیں، شمال مشرقی شہر شولان میں کورونا کیسز کے باعث جنگی حالت نافذ کرنے کا اعلان کردیا گیا ہے۔

جنوبی کوریا میں بھی کورونا کی تعداد میں اضافہ دیکھا گیا ہے۔

جنوبی کوریا میں کورونا کی تعداد بڑھ کر 2،100 سے زیادہ ہوگئی ، جس کے بعد نائٹ کلب بند کردیے گئے ہیں۔

ذرائع کے مطابق سیول میں بیشتر کیسز ایک 29 سالہ شخص سے پھیلے جس نے 3 نائٹ کلبس کا دورہ کیا۔

غیر ملکی خبر رساں ادارے کے مطابق جنوبی کوریا میں کورونا متاثرین افراد کی تعداد گیارہ ہزار ہوگئی اور ہلاکتوں کی تعداد 256 ہوگئی ہے۔

جرمنی کے سلاٹر ہاؤسز میں بھی کورونا وائرس کے نئے کیس سامنے آئے ہیں  اور مزید 180 افراد میں کورونا کی تشخیص ہوئی ہے۔

اس کے علاوہ بھارت میں ایک دن میں ریکارڈ 4 ہزار 200 سے زائد افراد میں کورونا کی تصدیق ہوئی ہے، جس کے بعد متاثرہ افراد کی تعداد 67 ہزار تک پہنچ گئی۔

برطانیہ میں اموات کی تعداد 31،855 ہوگئی ہے ، جس کے بعد ملک میں لاک ڈاؤن کو یکم جون تک بڑھا دیا گیا ہے۔

دنیا بھر میں تقریبا 4. 4.2 ملین افراد کورونا سے متاثر ہوئے ہیں ، جن میں سے 284،000 فوت ہوچکے ہیں اور ڈیڑھ لاکھ اس وائرس سے صحت یاب بھی ہوگئے ہیں۔