امریکی صدر ڈونلڈ ٹرمپ نے  کورونا وائرس سے متعلق بڑی خوشخبری سنادی۔

وائٹ ہاؤس میں کانگریس کے ممبروں سے ملاقات کے دوران امریکی صدر ڈونلڈ ٹرمپ کا کہنا تھا کہ مہلک کورونا وائرس کی وباء بغیر ویکسین کے ہی ختم ہوجائے گی۔

لیکن امریکی صدر نے خبر دار کیا ہےکہ ختم ہونے سے پہلے یہ وائرس ابھی مزید شدت اختیار کرے گا۔

واضح رہے کہ اس مہلک وائرس کے سب سے زیادہ مصدقہ مریض امریکہ میں  ہی ہیں جہاں 13 لاکھ 22 ہزار سے زائد افراد متاثر ہیں جبکہ مرنے والوں کی تعداد 78 ہزار 600 سے تجاوز کرگئی ہے۔

کورونا وائرس کی عالمی وباء دنیا کے 200 سے زائد ممالک میں پھیل چکی ہے جس میں 2،76،880افراد ہلاک ہوچکے ہیں جبکہ متاثرہ افراد کی تعداد 40 لاکھ  38 ہزار سے تجاوز کر گئی  ہے۔

دوسری جانب اس وائرس کو شکست دے کر صحت یاب ہونے والے مریضوں کی تعداد 14 لاکھ 2 ہزار سے زائد ہوگئی ہے۔