کورونا وائرس سے متعلق برطانوی وزیراعظم بورس جانسن کا اہم بیان سامنے آگیا ہے جس میں نے انے کورونا وائرس میں مبتلا ہونے کے حوالے سے اہم انکشافات کئے ہیں۔
غیر ملکی خبر رساں ادارے کے مطابق برطانوی وزیراعظم بورس جانسن نے بتایا کہ جس وقت میں کورونا وائرس میں مبتلا تھا اس وقت ڈاکٹر میری موت کا اعلان کرنے کے لئےذہنی طور پر تیار تھے۔
برطانوی وزیراعظم بورس جانسن کا کہنا تھا کہ کورونا وائرس میں مبتلا ہونے کی وجہ سے میری حالت بہت خراب ہو گئی تھی اور اسپتال میں زندہ رہنے اور مرنے کے امکانات برابر ہوگئے تھے۔

برطانوی وزیراعظم کا کہنا تھا کہ میری بیماری کے وقت ڈاکٹر مجھے مسلسل آکسیجن دے رہے تھے اور میری جان بچانے کی ہر ممکن کوششیں بھی کی گئی تھیں جبکہ برطانوی وزیراعظم نے جان بچانے پر طبی عملے کا شکریہ بھی ادا کیا۔

پاکستان میں کورونا سے ہلاکتوں کی تعداد 440 ہوگئی

یاد رہے کہ برطانوی وزیر اعظم نے 27 مارچ کو کورونا سے متاثر ہونے کی تصدیق کی تھی لیکن ان کا کہنا تھا کہ ان میں صرف معمولی علامات پائی جاتی ہیں لیکن ایک ہفتے تک خود ساختہ تنہائی اختیار کرنے کے باوجود ان کی طبعیت بہتر نہیں ہو سکی تھی اس لئے انہیں 5 اپریل کو مزید ٹیسٹوں کے لیے اسپتال لایا گیا تھا لیکن 24 گھنٹوں کے اندر ہی انہیں انتہائی نگداشت وارڈ (آئی سی یو) میں منتقل کر دیا گیا تھا۔

بورس جانسن نےانتہائی نگداشت وارڈ میں تین دن مصنوعی آکسیجن سپورٹ پر گزارے اور 12 اپریل کو ہسپتال سے ڈسچارج کیے جانے کے بعد انہوں نے اعتراف کیا کہ اس صورت حال کا کوئی بھی نتیجہ نکل سکتا تھا۔

ان کا مزید کہنا تھا کہ میں نے یہ ضرور سوچا کہ میں اس صورت حال سے کیسے نکلوں گا لیکن کسی بھی لمحے یہ نہیں سوچا کہ میں مر سکتا ہوں۔

برطانوی وزیراعظم کا بیان  میں بتایا کہ وہ پہلے اپنی صحت کے حوالے سے انتے سنجیدہ نہیں تھے اور طبعیت خراب ہونے کے باوجود کام کرنا چاہتے تھے۔