عالمی وبا کورونا سے محفوظ رہنے کے لیے سماجی دوری ضروری ہے۔

تفصیلات کے مطابق برطانیہ کے ہاؤسنگ سیکرٹری رابرٹ جینرک نے کہا ہے کہ سماجی دوری کا خیال رکھنا اہم ہے۔

لندن میں نیوز کانفرنس میں برطانوی وزیر ہاؤسنگ نے کہا کہ مذہبی رہنماؤں سے ملاقات کروں گا، تاکہ عبادت گاہوں میں نجی طور پر عبادت کی جاسکے۔

اس حوالے سے انہوں نے کہا کہ اسٹیٹ ایجنٹس اپنا بزنس کھول سکتے ہیں۔

رابرٹ جینرک نے کہا کہ پہلی بار گھر دیکھنےکیلئے ”آن لائن” سہولت سے فائدہ اٹھایاجائے۔

ہاؤسنگ سیکرٹری نے مزید کہا کہ حکومت رواں برس ’’فرسٹ ہوم پروگرام‘‘ شروع کرے گی۔

 انہوں نے بتایا کہ ’’کی ورکرز‘‘ کو ان گھروں میں 30 فیصد رعایت دی جائے گی۔

 ڈاکٹر جینی ہیرس نے کہا کہ وائرس سے متاثر افراد کے اسپتال میں داخلے میں 15 فیصد کمی ہوئی ہے۔

واضح رہے کہ کورونا سے محفوظ رہنے کے حوالے سے اسکولوں کو محفوظ طریقے سے کھولنے کیلئے یونینز سے بھی بات چیت کی جائے گی۔