امریکی صدر ڈونلڈ ٹرمپ کی جانب سے جی 7 اجلاس ویڈیو لنک کے بجائےفیس ٹوفیس کرانے کی تجویز پیش کردی گئی ہے۔

امریکی صدر ڈونلڈ ٹرمپ نے کہا ہے کہ کورونا وائرس کے بعد آخر کار امریکہ اپنی شان و شوکت کی جانب واپس لوٹ رہا ہے اور دوسرے ممبران بھی اپنے کام پر واپس لوٹنا شروع کررہے ہیں اسی لئے جی 7 اجلاس کو براہ راست کرانے کی تجویز ہیش کی ہے۔

انہوں نے کہا ہے کہ براہ راست جی 7 کا سربراہی اجلاس واشنگٹن کے کیمپ ڈیوڈ میں کرانے پر غور کررہا ہوں۔

جس کے جواب میں فرانسیسی صدر ایمانوئل میکرون نے کہا ہے کہ اگر صحت کی صورتحال نے اجازت دی توکیمپ ڈیوڈ سربراہی اجلاس میں شرکت کروں گا ۔

یاد رہے کہ صدر ٹرمپ نے کورونا وائس کے باعث جون میں ہونے والے جی7 کے سربراہی اجلاس کو ویڈیو کانفرنس میں تبدیل کردیا تھا۔