دنیا میں کورونا کا پھیلاؤ جاری ہے جس کے بعد متاثرہ افراد کی تعداد 56 لاکھ سے تجاوز کرگئی ہے اور ہلاکتیں بھی ساڑھے تین لاکھ ہوگئیں۔

امریکا میں ہلاکتوں کی تعداد ایک لاکھ سے تجاوز کر گئی  جبکہ امریکا میں 17 لاکھ سے زائد افراد کا کورونا ٹیسٹ اب تک مثبت آچکا ہے۔

برازیل میں کورونا وائرس کا پھیلاؤ خوفناک ہوگیا جس کے باعث اب تک پونے چار لاکھ افراد متاثر ہوچکے ہیں اور چوبیس ہزار افراد کی جانیں جاچکیں ہیں۔

کورونا وائرس سے برطانیہ میں 37ہزار، اٹلی میں 33 ہزار، فرانس میں 28 ہزار اور اسپین میں 26 ہزار افراد کی جانیں جاچکی ہیں ۔

سعودی حکومت نے ملک میں جاری لاک ڈاؤن میں نرمی کا اعلان کردیا گیا ہے۔

اتوار سےمکہ مکرمہ کے سوا ملک بھر میں کرفیو اوقات میں کمی کردی جائے گی جبکہ  اندرون ملک سفر کی اجازت بھی دے دی جائے گی، مساجد میں نمازوں کی ادائیگی اور بعض نجی و سرکاری اداروں میں کام کی اجازت بھی دی جائے گی۔