دبئی ایکسپو 2020 کمپلیکس میں ویلڈنگ کے دوران جزوی آگ لگ گئی.

تفصیلات کے مطابق دبئی ایکسپو کے ترجمان نے بتایا آگ صبح کے وقت ویلڈنگ کے دوران لگی جس کے باعث کام کا ایک حصہ بری طرح متاثر ہوا۔

اس حوالے سے ترجمان نے مزید بتایا کہ کوئی جانی نقصان نہیں ہوا ہے۔

ترجمان دبئی ایکسپو نے کہا کہ فائرٹینڈرز کی گاڑیاں موقع پر پہنچ گئیں تھیں جس کی وجہ سے بر وقت آگ پر قابو پالیا گیا۔

دوسری جانب فرانس میں قائم بین الاقوامی ایکسپو بیورو کے دو تہائی اراکین کے فیصلے کے بعد دبئی ایکسپو 2020 یکم اکتوبر 2021 تا 31 مارچ 2022 منعقد کرانے کا فیصلہ کیا گیا۔

واضح رہے کہ کورونا وائرس کی وجہ سے دبئی ایکسپو کو آئندہ سال کے لئے مؤخر کردیا گیا ہے۔