جنوبی ایشیا میں کورونا وبا کے آہستہ پھیلنے کی وجہ کم افراد کو ٹسٹنگ کی سہولت کی فراہمی ہے۔

تفصیلات کے مطابق نیو یارک ٹائمز کا کہنا ہے کہ بھارتی وزیراعظم نریندرا مودی بھارتی عوام کو کورونا کے خلاف ٹسٹنگ کی سہولیات کی فراہمی میں ناکام ہو گئے ہیں۔

نیویارک ٹائمز کا تبصرہ سامنے آ گیا جس کے مطابق بھارت میں کورونا وائرس کے خاتمے کے لیے دو ماہ سے لاک ڈاون جاری ہے،لاک ڈاون کے پہلے روز 25 مارچ کو بھارت میں کورونا کے باعث 13 اموات اور 618 کنفرمڈ کیسز تھے جبکہ بھارت میں لاک ڈاؤن میں آسانی کے بعد اب 1 لاکھ 51 ہزار رجسٹرڈ کیسز ہیں۔

نیویارک ٹائمز کا کہنا تھا کہ لاک ڈاؤن میں آسانی کے بعد اب بھارت میں اموات کی تعداد 4 ہزار 3 سو ہو گئی ہے بھارت میں طویل اور سخت ترین لاک ڈاون کے باوجود 64 روز میں کورونا کے کیسز 100 سے بڑھ کر ایک لاکھ تک جا پہنچے ہیں جبکہ 30 ممالک میں جہاں کورونا کے رجسٹرڈ کیسز کی تعداد 25 ہزار سے زائد ہے۔

نیویارک ٹائمز نے دعوی کیا کہ جنوبی ایشیاء میں کورونا کے آہستہ ہھیلاو کی ایک وجہ وہاں ٹسٹنگ کی کم سہولیات ہو سکتی ہے جبکہ جنوبی ایشیاء میں کورونا کے آہستہ پھیلاو کی ایک وجہ وہاں کی آبادی کا تناسب بھی ہو سکتا ہے۔