برازیل میں ایک فٹ بال اسٹیڈیم کو ڈرائیو ان سینما میں تبدیل کردیا گیا ہے۔

برازیل میں فٹ بال اسٹیڈیم سینما میں تبدیل کردیا گیا ہے، سینما میں فلمیں دکھانے کے علاوہ کامیڈی کے پروگرام اور بچوں کے تھیٹر بھی منعقد کئے جائیں گے۔

امریکی ذرائع ابلاغ کے مطابق کورونا وائرس کے بحران سے بدترین متاثر ملک میں عوام کا جذبہ بحال کرنے کی کوشش کرتے ہوئے ساحلی شہر ساؤ پولو کے پلمئیرس فٹ بال کلب کے اسٹیڈیم کو سینما گھر میں تبدیل کر دیاہے، جہاں تین سو گاڑیوں کی گنجائش ہو گی۔

اس ڈرائیو ان سینما میں فلمیں دکھانے کے علاوہ کامیڈی کے پروگرام اور بچوں کے تھیٹر بھی منعقد کیے جائیں گے۔

ڈرائیو ان سینما کا ٹکٹ 23سے 100ڈا لر میں دستیاب ہو گا جبکہ ایک کار میں چار سے زیادہ افراد کو آنے کی اجازت نہیں ہوگی۔

واضع رہے کہ اس سے پہلے امریکہ، یورپ اور متحدہ عرب امارات میں بھی نئے ڈرائیو ان سینما کھولے گئے ہیں کیونکہ عام سینما گھروں کے مقابلے میں ان میں سماجی فاصلہ برقرار رکھا جاسکتا ہے۔