ہمالیہ کی چوٹی لداخ کے مقام پر چینی فوج سے تصادم میں کرنل سمیت 3 بھارتی فوجی ہلاک ہوگئے۔

غیر  ملکی خبر رساں ادارے کے مطابق چین اور بھارت کے درمیان لداخ کے متنازع مقام پر بھارتی  فوج  کی اشتعال انگیزی پر چین کی جوابی کارروائی میں بھارتی فوج کا ایک کرنل اور سپاہی ہلاک ہوگئے ۔

بھارتی فوج نے تصدیق کرتے ہوئے کہا ہے کہ ہمالیہ میں متنازعہ سرحدی چوٹی پر چینی فوجیوں کے ساتھ تصادم میں کم از کم تین بھارتی فوجی ہلاک ہوگئے ہیں ۔

دوسری جانب ترجمان چینی وزارت خارجہ  کا کہنا ہے کہ  بھارتی فوجیوں نے گذشتہ روز 2 بار سرحدی خلاف ورزی کی۔بھارتی فوجیوں نے چینی فوجی اہلکاروں پر حملہ کیا اور اشتعال انگیزی پھیلائی۔بھارتی فوجیوں کی اشتعال انگیزی کے باعث تصادم ہوا ۔