افغان دارالحکومت کابل کی ایک مسجد میں نماز جمعہ کے دوران دھماکے  کے نتیجے میں چار افراد جاں بحق ہوگئے ہیں۔

غیر ملکی خبر رساں ادارے  کے مطابق افغانستان کی وزارت داخلہ نے بتایا کہ کابل کی ایک مسجد میں جمعہ کی نماز کے دوران ہونے والے دھماکے میں کم از کم چار افراد جاں بحق اور متعدد زخمی ہوگئے ہیں۔

وزارت داخلہ کے ایک بیان میں کہا گیا ہے کہ  دھماکہ خیز مواد ’شیر شاہ سوری مسجد ‘کے اندر رکھا گیا تھا جو دوران نماز پھٹ گیا۔

وزارت داخلہ کا کہنا ہے کہ دھماکے میں جاں بحق ہونے والوں میں  مسجد کا پیش امام بھی شامل  ہے۔

دوسری جانب ابھی تک کسی عسکری گروپ نے حملے کی ذمہ داری قبول نہیں کی ہے۔