کورونا وائرس سے شدید متاثر یورپی ملک  اسپین میں وباء کے مکمل خاتمے تک ماسک پہننا  لازمی قرار دے دیا گیا۔

غیر ملکی خبر رساں ادارے کے مطابق اسپین کے وزیر صحت سلواڈور نے کہا ہے کہ کورنا وائرس کی وباء کے مکمل خاتمے تک  ملک میں ماسک لگانا لازمی ہوگا۔

وزیر صحت نے کہا کہ یہ صورتحال 21 جون کو ہنگامی حالت ختم ہونے کے بعد  بھی  اس وقت تک نافذ العمل رہے گی جب تک ہم مستقل طور پر وائرس کو شکست نہیں  دے دیتے  یا اس کا موثر علاج  اور ویکسین  تیار نہیں کرلیتے ۔

واضح رہے کہ  چین سے شروع ہونے والی اس وباء نے پوری دنیا کو اپنی لپیٹ میں لے رکھا ہے اور اسپین  کورونا وائرس  سے شدید متاثرہ ملکوں کی فہرست میں چوتھے نمبر پر ہے۔

وہاں 2 لاکھ 88 ہزار سے زائد افراد اس وائرس سے متاثر ہیں جبکہ 27 ہزار سے زائد  زندگی کی بازی ہار چکے ہیں۔