سعودی عرب سے بڑی خبر یہ آئی ہے کہ سعودی وزارت اسلامی امور کی جانب سے مساجد کے حوالے نئے اور اہم احکامات جاری کئے گئے ہیں۔

تفصیلات کے مطابق سعودی وزارتِ اسلامی امور نے احکامات جاری کئے ہیں کہ اب سے مکہ مکرمہ اور جدہ کے علاوہ تمام مساجد اذان سے 40 منٹ قبل کھول دی جائیگی۔

سعودی احکامات کے مطابق فیصلے پر عملدرآمد 12 جون سے اگلے احکامات تک جاری رکھنے کا حکم دیا گیا ہے۔

سعودی حکومت کا کہنا ہے کہ یہ فیصلہ کورونا وائرس سے بچاؤ کے حفاظتی نظام کے تحت کیا گیا ہے جبکہ مساجد کے آئمہ کو علماء و اسکالرز کی مدد سے تیار کردہ خصوصی خطبات دینے کی ہدایات کی گئی ہے، خطبات میں انسانی جانوں کی حفاظت کو شریعت کا بنیادی مقصد قرار دیا گیا ہے۔