جنوبی کوریا کےدارالحکومت سیول کے  گمشدہ میئر کی لاش برآمد ہوگئی۔

غیر ملکی خبر رساں اداروں کے مطابق جنوبی کوریا کےدارالحکومت سیول کے  گمشدہ میئر پارک وون سون کی لاش شمالی سیول کے ایک پہاڑ سے ملی ہے۔

اس سے قبل پارک وون سون کی  بیٹی نے ان کی گمشدگی کی رپورٹ درج کرائی تھی جس کے بعد ان کی تلاش شروع کردی گئی تھی۔

گھنٹوں کی تلاش کے بعد  پولیس کو شمالی سیول کے ایک پہاڑ سے پارک وون سون کی لاش ملی  جس کے بعد  پولیس کی جانب سے تحقیقات کا آغاز کردیاگیا ہے۔

واضح رہے کہ پارک وون سون  کو ’می ٹو ‘ مہم کےتحت جنسی ہراساں کرنےکے الزامات کاسامنا تھا۔