بھارت میں لڑکی کےساتھ زیادتی کے بعد قتل کرنےکے واقعے کے خلاف پرتشددمظاہرے  میں کئی گاڑیاں نظر آتش کردی گئیں۔

تفصیلات کے مطابق بھارتی ریاست مغربی بنگال میں لڑکی کےساتھ زیادتی کے بعد قتل کرنےکے واقعے کے خلاف پرتشددمظاہروں میں پولیس کی 3گاڑیوں اور2بسوں کو آگ لگادی گئی۔

مشتعل افراد نے 17سالہ لڑکی کے ریپ کے بعد قتل کے واقعےپرانصاف کا مطالبہ کیا۔

لڑکی  ہفتے کے روز سےلاپتاتھی،اتوار کی صبح اس کی لاش ملی تھی ۔ لڑکی کی لاش مغربی بنگال کے علاقےکالاچ میں اس کے گھر سےایک کلو میٹر دور  سے ملی ۔

دیہاتیوں نے قومی شاہراہ بند کردی جس سے ٹریفک  کی روانی شدید متاثر ہوئی ۔ہجوم کو منتشر کرنے کے لئے پولیس نے آنسو گیس اور لاٹھی چارج کا سہارا لیا۔