فرانس کے قومی دن کے موقع پر پاکستان میں فرانسیسی سفیر مارک بیریٹی نے خصوصی پیغام میں کہا پاکستان اور فرانس کے مابین تعاون بہت فعال اور متحرک رہا ہے۔

فرانس کے قومی دن کے موقع پر پاکستان میں فرانسیسی سفیر مارک بیریٹی نے خصوصی پیغام میں کہا موجودہ حالات میں فرانس کے قومی دن کی تقریبات کچھ مختلف ہیں، کورونا وباء کے باعث یہ تقریبات ورچوئل اور آن لائن منائی جا رہی ہیں۔

فرانسیسی سفیر نے پاکستان اور فرانس میں کورونا کے خلاف فرنٹ لائن پر لڑنے والے طبی عملے کو خراج تحسین پیش کرتے ہوئے کہا کہ ڈاکٹروں، نرسوں اور طبی عملے نے ہماری جانیں بچانے کے لیے اپنی جانیں دی ہیں۔

فرانسیسی سفیر مارک بیریٹی کا مزید کہنا تھا کورونا کے باعث ترقی پذیر ممالک کے قرضوں میں ریلیف کی حمایت میں فرانس نے اہم کرداد ادا کیا ہے اور فرانس نے کورونا سے نمٹنے کے لیے پاکستان کی 43 ملین یورو کی مدد بھی کی ہے۔