بحرین نے اسرائیل کو تسلیم کرنے کا امریکی مطالبہ مسترد کردیا۔

تفصیلات کے مطابق بحرین کے بادشاہ حمد بن عيسى بن سلمان آل خليفہ نے امریکی وزیر خارجہ مائیک پومپیو سے ملاقات ہوئی۔

ملاقات میں بحرین کے بادشاہ حمد بن عيسى بن سلمان آل خليفہ نے اسرائیل کو تسلیم کرنے کے مطالبے کو یکسر مسترد کردیا۔

مائیک پومپیو سے ملاقات میں حمد بن عيسى بن سلمان نے کہا کہ عرب ممالک کے خود مختار فلسطین کے مطالبے کے ساتھ کھڑے ہیں۔

بحرین کے بادشاہ حمد بن عيسى بن سلمان آل خليفہ نے مزید کہا کہ فلسطین کو 1967 سے پہلے کی حیثیت میں بحال کرنا ہوگا۔

یاد رہے کہ امریکی وزیر خارجہ مائیک پومپیو اسرائیل کے لیے عرب ممالک کی حمایت حاصل کرنے کے لیے مشرق وسطی کے دورے پر ہیں۔

مزید پڑھیں

مائیک پومپیو امارات اور اسرائیل کا دورہ کریں گے

ایران اور چین کے معاملات پر بات چیت کے لیے امریکی وزیر...

واضح رہے کہ امریکی وزیر خارجہ ایک ایسے وقت میں امارات اور اسرائیل کا دورہ کر رہے ہیں جب رواں ماہ 13 اگست امارات اور اسرائیل نے ایک امن معاہدے کا اعلان کیا ہے۔

دونوں ملکوں کے درمیان امن معاہدے کا اعلان سب سے پہلے امریکی صدر ڈونلڈ ٹرمپ نےٹویٹر پر ایک ٹویٹ میں کیا اور اس معاہدے کو تاریخی فیصلہ قرار دیا۔

امریکی صدر ڈونلڈ ٹرمپ کا کہنا تھا کہ متحدہ عرب امارات اور اسرائیل کے مابین معاہدے سے فلسطینی اراضی کے اسرائیل سے الحاق کے پروگرام کو منجمد کر دے گا۔