بھارتی شہر ممبئی میں مون سون بارشوں کا 15 سالہ ریکارڈ ٹوٹ گیا۔

بھارتی میڈیا کے مطابق ممبئی کے مختلف علاقوں میں پیر کی شب موسلا دھار بارش سے شہر میں اربن فلڈنگ کی صورتحال پیدا ہوگئی اور  سڑکیں تالاب کا منظر پیش کرنے لگیں۔

اب تک 230 ملی میٹر بارش ریکارڈ کی جاچکی ہے،جو2005 سے اب تک ہونے والی سب سے زیادہ بارش ہے۔  بارش کے باعث ممبئی میں نظام زندگی درہم برہمہوگیا ہے،لوکل ٹرینوں کی آمدروفت معطل کردی گئی۔

ایمرجنسی سروسز کے علاوہ تمام دفاتر کو بھی بند کردیا گیا ہے۔

شہر میں طوفانی بارشوں کے سبب آج اور کل کے لیے ریڈ الرٹ جاری کیا گیا ہے ۔ جب کہ دریا میں پانی کا بہاؤ خطرناک حد تک تجاوز کرنے سے قریبی علاقوں کو خالی کرالیا گیا ہے۔