متحدہ عرب امارات اور اسرائیل کے درمیان حالات معمول پر لانے کے معاہدے پر ترک صدر رجب طیب اردوان کا کہنا ہے کہ اسرائیل سے معاہدے کے بعد متحدہ عرب امارات کے ساتھ تعلقات معطل کرنے پر غور کررہے ہیں۔

میڈیا سے گفتگو میں رجب طیب اردوان کا کہنا ہے کہ اسرائیل کیساتھ معاہدہ کسی صورت منظور نہیں ہے اسی لئے متحدہ عرب امارات میں اپنا سفارتخانہ بند کرنے اور سفارتی تعلقات معطل کرنے پر غور کررہے ہیں۔

مزید پڑھیں

ترکی کی یواے ای اور اسرائیل کے درمیان تعلقات کی مذمت

برادرملک  ترکی  نے متحدہ عرب امارات (یو اے ای) اور اسرائیل کے...

انہوں نے کہا کہ اپنا سفیر بھی واپس بلواسکتے ہیں، اس ضمن میں وزیرِ خارجہ کو ضروری ہدایات دے دی گئیں ہیں۔

ترک صدر رجب طیب اردوان کا مزید کہنا تھا کہ ہم ہر صورت فلسطینی عوام کے ساتھ کھڑے ہیں انہیں شکست نہیں ہونے دیں گے۔

قبل ازیں بین الاقوامی خبر رساں ادارے کے مطابق ترک وزارت خارجہ  کا کہنا ہے کہ یواے ای اور اسرائیل کے درمیان امن معاہدہ فلسطینی عوام کی خواہش کے خلاف ہے۔

ترک وزارت خارجہ کی جانب سے جاری بیان میں کہا گیا کہ  امارات نے محدودمفادکے لیے فلسطینی کاز کے ساتھ غداری کی ہے۔

دوسری جانب ایران نے بھی اسرائیل اوریواے ای کے درمیان امن معاہدے کی مذمت کرتے ہوئے کہا ہے کہ امن معاہدہ فلسطینیوں کو دھوکا دینے کے مترادف ہے۔

ایران نے یواے ای اور اسرائیل کا امن معاہدہ خطرناک قراردیتے ہوئے کہا کہ اس اقدام سے خطے میں کشیدگی بڑھے گی۔معاہدہ فلسطینیوں کی پیٹھ پر چھرا گھونپنےکےبرابرہے۔

ایرانی وزارت خارجہ کا کہنا تھا کہ نتائج کی ذمہ دار اس اقدام کی حماقت کرنےوالی ریاستیں ہوں گی۔