اقوام متحدہ کی  سلامتی کونسل میں ایران پر اسلحے کی خرید وفروخت پر پابندی میں توسیع کی قرارداد مسترد کردی گئی۔

بین الاقوامی خبر رساں ادارے کے مطابق امریکی وزیر خارجہ مائیک پومپیو نے ایران پر اسلحہ کی خرید وفروخت پر پابندی میں توسیع کی قرارداد مسترد کیے جانے پر سلامتی کونسل کو کڑی تنقید کا نشانہ بنایا۔

امریکی وزیر خارجہ نے کہا کہ سلامتی کونسل ایران کو مہلک ہتھیاروں کی خریداری کی اجازت دے رہی ہے۔سلامتی کونسل ایران کو مہلک ہتھیاروں کی خرید وفروخت کی اجازت دے کر خطے میں تباہی کو ہوا دے رہی ہے۔

مائیک پومپیو کا کہنا تھا کہ  سلامتی کونسل نے دہشت گردی کے سب سے بڑے ریاستی کفیل کو مہلک ہتھیار خریدنے کے اہل بنا دیا ہے۔

انہوں نے کہا کہ سلامتی کونسل نے ایران کو خوش اور مشرق وسطیٰ کے ممالک کے مطالبات کو نظرانداز کیا  ہے۔امریکہ  سلامتی کونسل کی غلطی کو درست کرے گا۔