معمر ترین سعودی ٹورسٹ گائیڈ سعید بن جمعان نوے برس کی عمر میں انتقال کرگئے۔

تفصیلات کے مطابق چار غیر ملکی زبانوں کے ماہر معمر ترین سعودی ٹورسٹ گائیڈ سعید بن جمعان کورونا سے متاثر ہوکر نوے برس کی عمر میں انتقال کرگئے۔

حال ہی میں جب ماہر معمر ترین سعودی ٹورسٹ گائیڈ پھیپھڑے کی سوزش میں مبتلاہوگئے ، ان کی  آرزو تھی کہ صحت یاب ہوکر ایک بار پھر گائیڈ کے  طور پر کام کریں اور تاریخی مقامات کی لوگوں کو سیر کرائیں۔

 چاچا سعید بن جمعان کو سعودی عرب میں معمر ترین ٹورسٹ گائیڈ بننے کا اعزاز حاصل ہے، وہ لکھنا پڑھنا نہیں جانتے  تھے لیکن انگریزی، فرانسیسی اور اطالوی سمیت چار زبانیں روانی سے بولتے تھے۔

چاچا سعید بن جمعان نے نجران کے علاقے میں ٹورسٹ گائیڈ کے طور پر کام کیا۔ یہاں آنے والے مقامی اورغیرملکی سیاحوں کو یہاں کی تاریخ اور ورثے سے آگاہ کیا کرتے تھے جبکہ وہ سیاحوں میں ’ابو سند‘ کے نام سے معروف تھے۔

ابوسند نجران کے علاقے میں  سیاحتی سرگرمیوں کے حوالے  سے بڑے اہم مانے جاتے تھے۔ انہیں یہاں کے تاریخی مقامات کی چھوٹی چھوٹی باتیں معلوم تھیں۔