سانحہ بیروت پرلبنان کی وزیراطلاعات منال عبدالصمد اپنے عہدے سے مستعفی ہوگئی ہیں۔

تفصیلات کے مطابق لبنان میں ہونے والے ہولناک دھماکے کے بعد اپنی ناکامیوں کا اعتراف کرتے ہوئے ملکی وزیراطلاعات منال عبدالصمد نے عہدے سے استعفیٰ دے دیا۔

اپنے ایک بیان میں منال نے کہا کہ بیروت کے سانحے کے بعد میں حکومت سے مستعفی ہونے کا اعلان کرتی ہوں  اور ناکامی پر لبنانی عوام سے معافی بھی مانگی ۔

مستعفی ہونے والی خاتون وزیر اطلاعات منال عبدالصمد نے مزید کہا کہ ’’استعفیٰ سے قبل میں وزیر اعظم کو اپنے فیصلے سے آگاہ کر دیا تھا۔

یاد رہے اس سے قبل وزیر خارجہ ناصیف حتی نے بھی وزیر اعظم حسن دیاب کو اپنا استعفی پیش کرتے ہوئے کہا تھا کہ ملک کو بحران سے نکالنے کے لیے کوئی واضح حکمت عملی نہ ہونے کی وجہ سے وہ مستعفی ہو رہے ہیں

وزیر خارجہ ناصیف حتی نے مزید کہا تھا کہ لبنان، وہ لبنان نہیں رہا جسے ہم چاہتے تھے، جسے ہم ایک مثال اور روشنی کا منارہ دیکھنا چاہتے تھے، میں بہت سے دیگر شہریوں کی طرح خود سے سوال کرتا ہوں کہ ہم نے پیارے وطن کے لیے کیا کیا اور اس کے امن اور تحفظ کے لیے کیا کچھ کیا۔

بیروت، لرزہ خیز دھماکےمیں ہلاکتوں کی تعداد 157ہوگئی

خیال رہے کہ لبنان کے صدر اور وزیراعظم نے وزیر خارجہ ناصیف حتی کے استعفے کو قبول کرتے ہوئے، ان کی جگہ پر شربیل وہبہ کو ملک کا نیا وزیر خارجہ مقرر کیا ہے۔

واضح رہے  چار اگست کی شام خطرناک دھماکے نے لبنان میں قیامت برپا کر دی تھی اور چند لمحوں میں ہنستا بستا شہر قبرستان کا منظر پیش کرنے لگا۔

بیروت بندرگاہ میں دھماکہ ویئر ہائوس میں رکھے ہزاروں کلوگرام دھماکہ خیز مواد کے پھٹنے سے ہوا تھا۔

حکومت مخالف مظاہروں میں شامل عوام کا کہنا ہے کہ بیروت دھماکہ حکومت کی غفلت کا نتیجہ ہے۔

اس ہی حوالے سے مظاہرین نے وزیراعظم حسن دائب سے استعفیٰ کا مطالبہ بھی کیا ہے۔

خبر ایجنسی کے مطابق پولیس کا آنسو گیس کا استعمال پولیس سے جھڑپ مشتعل اور پولیس پر پھتراؤ کیا گیا۔