چینی وزارت خارجہ کے ترجمان نے کہا ہے کہ چین مساوات اور باہمی احترام پر مبنی تنازعات کو حل کرنا چاہتا ہے۔

تفصیلات  کے مطابق چین کے وزارت خارجہ کے ترجمان کا امریکی صحافیوں کے حوالے سے بیان سامنے آیا ہے جس میں انہوں نے کہا ہے کہ چین امریکی صحافیوں کے ساتھ تعاون جاری رکھے گا۔

ترجمان چینی وزارت خارجہ نے کہا ہے کہ چین اگر امریکہ میں چینی صحافیوں کے ساتھ مناسب برتاؤ کیا گیا تو وہ امریکی صحافیوں کے ساتھ تعاون جاری رکھے گا۔

ترجمان کا کہنا ہے کہ چین میں مقیم چند امریکی صحافیوں کی ویزا توسیع کی درخواستوں پر عمل جاری ہے جس کے بعد وہ بغیر کسی پریشانی کے یہاں کام کرسکتے ہیں۔

ترجمان نے مزید کہا ہے کہ چین نے اپنے صحافیوں پر بڑھتے ہوئے سیاسی دباؤ میں اضافہ کے باوجود اب تک کوئی بھی جوابی کارروائی کرنے سے گریز کیا گیا ہے۔

خیال رہے کہ چینی ترجمان کا یہ بیان ایسے وقت میں سامنے آیا جب امریکہ میں چینی صحافی اپنے ورک ویزوں کی تجدید کا انتظار کررہے ہیں۔