سعودی عرب میں آج 23 ستمبر کو مملکت کا 90 واں قومی دن بھرپور جوش و جذبے کے ساتھ منایا جا رہا ہے۔

 یہ دن شاہ عبدالعزیز آل سعود کی جانب سے 23 ستمبر 1932ء کو جاری اُس شاہی فرمان کی یاد میں منایا جاتا ہے جس میں مملکت کے بانی نے جدید سعودی ریاست کے تمام حصوں کو ’مملکتِ سعودی عرب‘کے نام کے تحت یکجا اور متحد کر دیا تھا۔

سعودی عرب کو اللہ تعالیٰ نے بہت سی نعمتوں سے نوازا ہوا ہے۔

سعودی عرب دنیا کا واحد ملک جس کا دستور قرآن و حدیث پر مبنی ہے اور اسٹیٹ کا نظم و نسق شریعت کے تابع ہے۔ اسلامی قوانین پر سختی سے عملدرآمد کی وجہ سے جرائم کی شرح دنیا میں سب سے کم ہے۔

سعود بن محمد سے لے کر شاہ سلیمان بن عبدلعزیز تک اس عظیم خاندان نے سعودی عرب کو ایک مکمل فلاحی اسلامی مملکت بنانے میں نہ صرف عظیم قربانیاں دی ہیں بلکہ ایک طویل جد وجہد کے ذریعے اسلامی معاشرہ قائم کر دیا ہے۔

اسلامی معاشرے میں ایک دوسرے کا احترام، جان و مال کا تحفظ اور امن و امان کی شاندار مثال سعودی عرب میں دیکھی جا سکتی ہے۔

قومی دن کے حوالے سے جدہ میں ایئر شو کا  بھی خصوصی اہتمام کیا گیا ۔شو میں 60 سویلین اور ملٹری ہوائی جہاز شامل تھے۔رنگا رنگ شو میں بچے اور بڑے دونوں لطف اندز ہوئے۔