کورونا کے وار ایک بار پھر تیز ہونے لگے ہیں جس کے باعث دنیا بھر میں اموات دس لاکھ کا ہندسہ عبور کر گئی ہے اور مریضوں کی تعداد تین کروڑ چونتیس لاکھ سے اوپر چلی گئی ہے۔

بھارت میں کورونا کے وار جاری ہیں جس کے باعث مزید ستر ہزار کیسز آنے کے بعد مریضوں کی تعداد اکسٹھ لاکھ اور اموات چھیانوے ہزار سے بڑھ گئی۔

امریکا میں وبا ایک بار پھر سر اٹھانے لگی۔ اکیس سے زائد ریاستوں میں کورونا کیسز میں اضافہ رپورٹ ہوا ہے، امریکا میں مریضوں کی تعداد تہتر لاکھ اورہلاکتیں دو لاکھ نو ہزار بڑھ گئی ہیں۔

آسٹریلیا کی ریاست وکٹوریہ میں کیسز میں کمی کے بعد ایک سو آٹھ دن سے لگے طویل لاک ڈاؤن میں نرمی کردی گئی ہے۔

عالمی ادارہ صحت نے ممبر ممالک کے ساتھ کورونا ویکسین کی تیزی سے تیاری کے معاہدے پر دستخط کردیئے ہیں، اس معاہدے کے بعد عالمی سطح پر تیار کی جانے والی ویکسین کے جلد دستیابی کی امید پیدا ہوگئی ہے۔