عمرے کی بحالی اور زائرین کو سہولیات فراہم کرنے کے حوالے سے سعودی حکومت کی جانب سے اہم فیصلے کئے گئے ہیں۔

تفصیلات کے مطابق مکہ مکرمہ میں عمرے کی بحالی اور زائرین کو سہولیات فراہم کرنے کے حوالے سے اجلاس ہوا ہے جس میں وزیر حج و عمرہ سمیت دو مساجد کی انتظامیہ کے سربراہان کی جانب سے جائزہ لیا گیا ہے۔

اس ضمن میں سعودی وزیر حج و عمرہ ڈاکٹر صالح بنتن کا کہنا ہے کہ تمام حفاظتی اقدامات کا مقصد عمرہ زائرین اور مسلمانوں کی صحت و سلامتی کا یقینی تحفظ ہے۔

انہوں نے واضح کیا ہے کہ مسجد الحرام میں جانے کے لئے اعتمرنا ایپ پر بکنگ کے بغیر مسجد الحرام میں جانے کی اجازت نہیں ہو گی ۔

اس سے متعلق ان کا مزید کہنا یہ تھا کہ عمرہ اجازت نامے کی کوئی فیس نہیں جبکہ عمرہ اجازت نامہ 18 سے 65 برس تک کے افراد کو جاری کئے جائیں گے جو گروپس کی صورت میں ماہر صحت کے ہمراہ عمرہ ادا کر سکیں گے۔